Ginpasiguro sang Cybercrime Investigation and Coordinating Center (CICC) nga may yara ini sang mga galamiton agud matukiban ang mga ‘peke nga video’ nga naglapta online.
Suno kay Deputy Executive Director Atty. Renato” Aboy” Paraiso sang CICC, ila ini ginamonitor sa bulig sang ginlunsar nga Threat Monitoring Center nga amo ang gingamit sadtong eleksyon.
Gani suno sa iya, makasalig ang publiko nga wala nila ginabalewala ang mga pamahog nga mahimo nila tugahon, ilabi na ang mga deepfake videos ukon Artificial Intelligence online generated content.
Bangud sini, gindugang sini nga makabig nga paglapas sa kasuguan ang pag-involve ukon pagsugyot sa pagpalapta sang nasambit nga mga sahi sang content.
Gani, may yara sang kaangtanan nga penalidad sa tion nga makilala kag matukiban sang CICC ang partisipasyon sang isa ka indibidwal sa ilegal nga trabaho ukon hilikuton.
Madumduman nga sang damlag lang may bag-o nga ‘deepfake’ nga video nga naglapta sa social media platform gamit ang imahe mismo ni Presidente Ferdinand ‘Bongbong’ Marcos Jr.
Gani gilayon nga naghimo sang analysis ang CICC kag nagpalapit sa mga social media platforms agud madasig nga i-delete ang daw peke nga video sang presidente.
Ginapanugyan nila nga maghalong kag mangin kritikal ilabi na sa mga kaundan nga makita, mabatian kag lantawon online.
