Nagfile sang reklamo si Criminal Investigation and Detection Group (CIDG) chief Police Brigadier General Nicolas Torre III batuk kay anay Presidente Rodrigo Duterte.
May kaangtanan ini sa nangin pagpamahog sang anay presidente nga patyon sini ang mga senador.
Suno kay Torre nga ang kaso nga inciting to sedition kag unlawful utterance nga may nagakaigo nga sentensiya sa Revised Penal Code ang ginfile sa Department of Justice.
Dugang pa sini nga luyag sang anay presidente nga patyon ang 15 ka senador kag luyag niya nga bombahan rason nga nakafile na ang kaso sa Department of Circular 20 para sa case build-up na ang kaso.
Nakasaad sa DC nga ang reklamo nga ginfile sa prosecutors ang magapaidalum sa “case build-up” bag-o magsugod ang preliminary investigation.
Pahayag pa sang CIDG chief nga ang nasambit nga mga pahayag ang wala dapat ginakonsenti kun sa diin wala nagakaangay nga himuon nga lahug-lahog ang pagpatay.
Matandaan nga ginpahayag sini nga sadtong nagaligad nga Huwebes sa proclamation rally sang PDP Laban sang anay Presidente nga iya pagapatyon ang senador para siguro nga makasulod tanan ang pambato sa iya nga partido.
