Nagpasaka na sang obstruction of justice complaint ang Philippine National Police-Criminal Investigation and Detection Group ukon PNP-CIDG batok kay Senator Robin Padilla kag iban pa nga mga indibidwal may kaangtanan sa ginaalegar pagbulig kay Senator Bato dela Rosa.
Una na nga gin-anunsyo sang CIDG sang Miyerkules ang ila plano nga pasakaan sang kaso si Padilla kag iban pa nga mga personalidad bangud sa ginpahayag pagbulig kay Dela Rosa nga makalikaw sa mga otoridad.
Ginpanginwala naman ni Padilla ang alegasyon kag ginpahayag nga ginpasakay lang niya si dela Rosa sa iya salakyan halin sa Senado.
Samtang, ginpahayag naman sang CIDG nga may kaangtanan ang shooting incident sa Senado kag ang ginapahayag pagpalagyo ni Dela Rosa.
Ginmanduan man ni Department of Justice Secretary Fredderick Vida ang mga law enforcement agencies nga pangitaon kag dakpon si Dela Rosa, nga iya gintawag nga “fugitive from justice.”
Ginhingyo man sini ang senador nga boluntaryo nga magsungka sa otoridad.
