Gin-anunsyo sang Philippine National Police-Criminal Investigation and Detection Group nga magapasaka sila sang reklamo batuk kay Sen. Robin Padilla kag iban pa nga mga indibidwal may kaangtanan sa ginpahayag pagbulig sa pagpalagyo ni Sen. Ronald dela Rosa.
Suno sa CIDG, kaso nga paglapas sa Presidential Decree No.1829 ukon obstruction of justice ang ipasaka batok sa mga involved kag ini ang igasumite sa Department of Justice.
Ginpanindugan sang ahensya nga indi simple nga pag-upod sa salakyan ang natabo kundi isa ka plano kag koordinado nga operasyon agud malikawan ang pag-track kay Dela Rosa matapos ginpahayag naghalin sa Senado sang Mayo 14, 2026.
Dugang pa sang CIDG nga may isa pa ka salakyan nga nagsunod kay Padilla nga nagserbe nga escort kag backup vehicle sa nasambit nga operasyon.
Sa subong, padayon ang imbestigasyon sang mga otoridad sa nasambit nga insidente samtang ginahulat ang pormal nga pagpasaka sang panumbungon.
