ROXAS CITY – Ginpalawig pa sang Singaporean government ang pagpaidalum sa pungsod sa ‘Circuit Breaker Period’ bangud sang coronavirus disease (COVID-19) pandemic.
Ini ang ginpahayag ni Bombo International Correspondent Gizelle Gail Ng sa iya nga report sa Bombo Radyo Roxas.
Ayon kay Ng, ginpalawig pa sang duha ka bulan ang circuit breaker period sa pungsod bangud sa padayon nga pagsaka sang kaso sang COVID-19.
Suno diri nga limitado lamang ang mga non-essential establishments kag opisina nga magabukas kag gin-suspinde man sang iban nga kompaniya ang trabaho sang ila mga empleyado.
Bangud sa hugot nga pagsulundan, may igahatag naman ang gobyerno sa mga trabahador nga apektado sang circuit breaker.
Mahibaluan nga ginpaidalom sa circuit breaker ang pungsod sadtong Abril 7 bangud sang COVID-19 pandemic nga magalawig tubtob sa Hunyo 1.
