-- ADVERTISEMENT --
Ginpakita sang isa ka Circus performer ang tumalagsahon nga kabakod sang iya panit sang ulo pagkatapos niya gin-alsa ang 166.11-pound nga kabug-aton nga gamit lamang ang iya buhok.
Ang circus performer amo si Diana Elizabeth Batres Hermosillo, 26 ka tuig na siya nga naga-perform sang mga circus feats.
Gingamit ni Hermosillo ang iya malaba nga buhok nga ginsalapid sa duha ka bahin, ginhigot sa punta, kag ginhigot sa mabug-at nga bagay. Nahimo niya ini nga alsahon nga wala nagatapak sa duta sa sulod sang 14 seconds.
Suno kay Hermosillo, nag-training siya sa sulod sang anum ka bulan agud makaagwanta sa tuman nga pag-ipit sa iya anit, liog, kag likod antes niya natuman ang rekord.
