Nagpatigayon sang barangay visitation ang City Anti-Drug Abuse Council sa Barangay Banica kag Barangay Tiza agud magpatigayon sang assessment kag monitoring sa kampanya batok sa ilegal nga droga sa nasambit nga mga komunidad.
Kabahin sa ginatutukan sang konseho ang pagbulig sa mga People Who Use Drugs (PWUDs) nga nagakinahanglan sang rehabilitation ukon recovery support agud mabuligan sila sa ila proseso sang pag-ayo kag makabalik sa husto nga pagginawi sa kabuhi.
Paagi sa amo nga aktibidad, ginatinguhaan nga mahibaluan ang sitwasyon kag panginahanglan sang tagsa ka barangay, lakip na ang mga programa kag serbisyo nga mahimo ihatag sa mga indibidwal nga nagakinahanglan sang suporta agud malikawan ang pagbalik sa paggamit sang ilegal nga droga.
Ginatuyo man sang inisyatibo nga mapabaskog ang koordinasyon sang konseho kag mga opisyal sang barangay sa pagpatuman sang mga programa kontra ilegal nga droga, upod ang paghatag sang nagakaigo nga giya kag suporta sa mga apektado nga indibidwal kag ila pamilya.
