ROXAS CITY – Nagpatigayon sang oplan baklas kahapon nga adlaw ang City COMELEC kaupod ang Department of Public Works and Highways (DPWH) kag ang Roxas City PNP sa pila ka mga kabarangayan sa syudad sang Roxas.
Ini ang ginpahayag ni Atty. Rommel Benliro, City COMELEC-officer IV sang ma-interview sang Bombo Radyo Roxas.
Ginpahayag ni Benliro, nga madamo na sila sang nabaton nga reklamo natuhoy sa mga campaign posters nga ginapangtapik sa mga kakahuyan kag poste kun sa diin kahapon nga adlaw madamo sila sang nabaklas nga mga campaign materials.
Dugang pa sini, nga amo man sa gihapon ang ila pagsulundan sa pagpangkakas sang mga campaign materials magluwas nalang kun yara ini nabutang sa private properties.
Nagapanawagan man si Benliro sa mga kandidato kag mga supporters sini nga mangin responsable kag klarohon ang pagmando sa pagpangtakod sang mga posters.
Pagalauman man nga may yara pa sang patigayunon nga oplan baklas sa masunod nga mga inadlaw sa iban pa nga mga lugar sa syudad sang Roxas.
