ROXAS CITY – Ginaduso sang chairman sang Commiteee on Health and Sanitation sang Sangguniang Panlungsod sa konseho sang siyudad ang resolusyon nga nagasuporta agud himuon nga legal ang medical marijuana sa pungsod.
Mahibaluan nga ini ang nangin sentro sang diskurso-pribilehiyo ni City Councilor Cesar Yap Jr. sa ginpatigayon nga sesyon sang konseho.
Diri ginpatpat sang konsehal ang pila ka maayo nga epekto sang medical marijuana ilabi na sa pagbulong sang pila ka mga balatian.
Suno diri nga may yara ini sang chemical components nga napamatud-an sa pila ka mga pagtuon nga makabulig sa pagbulong sang epileptical disease.
Apang suno kay Yap nga may yara man ini sang negatibo nga epekto sa ikaayong lawas ilabi na kun masobrahan sini ang isa ka tawo.
Ginpaboran naman sang pila ka mga konsehal ang ginaduso nga resolusyon ni Yap apang suno diri nga kinahanglan nga pagatun-an ini sang husto sang Committee on Health.
