ROXAS CITY – Ginpaathag ni City Councilor Cesar Yap Jr., ang chairman sang Committee on Health, Nutrition and Sanitation sang Sangguniang Panlungsod ang importansiya sang rapid test kits para sa coronavirus disease (COVID-19).
Sa iya nga privileged speech ginpanindugan sang konsehal nga importante kag mapuslanon sa gihapon ini nga rapid test apisar nga indi sang 100 percent ang accuracy sini.
Suno diri nga dako ang bulig sang rapid test kits para sa preventive measure sang gobyerno sa kampanya kontra COVID-19 pananglitan nga may magpositibo diri nga indibidwal.
Kasunod ini sang nabatian sang konsehal nga kasubong may nagpakanubo sa ka-epektibo sang rapid tests para sa COVID-19.
Matandaan nga nagbakal ang gobyerno sang siyudad sang rapid test kits nga gamiton sa mga ginasuspetsahan nga nalatnan sang amo nga balatian.
