ROXAS CITY – Gin-aprubahan sang City Council ang isa ka resolusyon nga dapat maghatag ang mga ini sang kopya sang ila igadul-ong nga privilege speech sa pagahiwaton nga session.
Sa interview sang Bombo Radyo kay City Councilor Midelo Ocampo, gintuad sini nga nadesisyunan sang tanan nga ipapasar ang nasambit nga resolusyon duha ka adlaw antes ang pagahiwaton nga regular session, ilabi na kun plano sini magpapasa sang isa ka resolusyon ukon ordinansa.
Apang, kun wala sang tinutuyo nga magpapasa sang isa ka resolusyon pinaagi sa privilege speech, igakonsiderar ang wala pagsumiter sang draft ukon kopya sang iya pagatalakayon.
Nagapati ini nga indi maka-upang ang nasambit nga resolusyon sa pagdul-ong sang tingog sang mga pumuluyo nga mapalab-ot sang Konsehal sa iya mga kaupdanan.
