ROXAS CITY-Magapatawag sang public consultation ang sangguniang panglungsod matapos wala madesisyunan sa special session ang ginahinyo sang mga tricycle drivers kag operators nga temporaryo nga pagpasaka sang pagsuluktan sa pamasahe sang mga tricycle samtang yara sa General Community Quarantine.
Suno kay City Councilor Albert Gregory Potato nga sa Miyerkules nga adlaw nakasugtan sang konseho sang syudad nga magpatawag sang public consultation sa city hall grounds agud makuha ang sentimento sang nagkalain-lain nga sektor sa syudad angut sa ginhinyo sang mga tricycle drivers nga pagpasaka sang pagsuluktan sang pamasahe.
Apang ginpanugyan sini nga limitado gid lamang ang pasugtan nga magtambong agud mapasiguro nga masunod ang pag-obserbar sang social distancing.
Samtang ginpasalig naman ni Potato nga magapaguwa sang desisyon ang konseho sang syudad pagkatapos sang public consultation.
