ROXAS CITY – Ginprisentar ni City Councilor Dr. Cesar Yap Jr., ang iya privilege speech sa ginpatigayon nga session sang damlag lang kaupod ang mga konseho sang Sangguniang Panlungsod.
Ini may kaangtanan sa pagpamalibad sang 3 ka mga pribado nga ospital sa probinsya nga ginalakipan sang Capiz Doctor’s Hospital, Health Centrum Hospital kag Capiz Emmanuel Hospital sang mga COVID-19 Patients humalin sadtong Disyembre 4, 2020.
Bangud diri, daku ang posibilidad nga maapektuhan ang nabilin nga mga ospital nga padayon sa pagbaton sang mga pasyente nga positibo sa nasambit nga virus kapareho sang Roxas Memorial Provincial Hospital.
Suno kay Yap nga may yara sang apat ka mga rason ang nasambit nga mga ospital nga amo ang Reduce of Capacity of the Patients, No balance bill kag pagdugang sang P1,800 food allowance kag transportation para sa mga staff.
Magluwas diri, daku man nila nga problema amo ang wala pag-reimburse sa gihapon sang PhilHealth tubtob subong sang ila mga claims para sa mga COVID-19 patients.
Gani, nagahinyo si Yap sa konseho nga kun mahimo ipaiway anay ang pagbayad sang mayor’s permit kag other property taxes.
