ROXAS CITY – Tuman nga kalipay ang nabatyagan ni City Councilor-Elect Rey Magallanes nga nangin madinalag-on ini sang eleksyon.
Sa interview sang Bombo Radyo, suno diri wala sini ginalauman nga mangin panglima ini nga nakabaton sang pinakadamo nga boto sa syudad sang Roxas.
Posible suno diri, nga nagasalig sa iya ang mga pumuluyo nga matuman niya ang iya mga ginpromisa sang nagakampanya pa lamang ini.
Nagapromisa si Magallanes nga igaduso ang dugang nga insentibo sa mga frontliners sa kada barangay.Ginhatagan man sini sang pagtamod ang pagpasanyog sang turismo ilabi na sa Brgy. Baybay Peoples Park kun sa din madamo ang nagadulong nga lokal nga turista kag mapa-uswag ang sektor sang pangkabuhian.
Dako gid ang pasalamat ni Magallanes sa nabaton nga pagpalangga kag pagsalig nga ginhatag sang mga pumuluyo sa iya.
Dugang pa sini, nga ini ang magaserbisyo ba-se sa mandato sang mga pumuluyo bangud nagapati ini nga ang mga pumuluyo ang boss sang syudad.
