ROXAS CITY – Ginpatpat sa konseho sang syudad ang nagkalain-lain nga mga concerns nga ginpalab-ot sang tatlo ka mga konsehal sa ika-58th Regular Session sang Sangguniang Panlungsod.
Suno kay City Councilor Jericho Angel Celino nga plano sini nga magpatawag sang isa ka sinapol sa mga katapo sang City Disaster Risk Reduction and Management Office (CDRRMO) kag mga Barangay Officials sang Barangay Banica sining syudad.
Ini matapos ang nagluntad nga komosyon sa tunga sang magtimbang nga bahin angut sa natabo nga paglubong sang isa ka COVID 19 Suspected Case sa Banica Public Cemetery.
Ginpahayag sang konsehal nga mahimo nga indi mapatay ang tawo bangud sa COVID-19 sa baylo ang indi pag-intiendihanay bangud sa nagluntad nga komosyon.
Ginkwestiyon ni Celino ang proseso sa paglubong sang isa ka bangkay sang COVID-19 Suspected Case matapos nakalab-ot na sa igtalupangod ang reklamo sang konseho sang Barangay Banica sining syudad.
Ginpamangkut man sini ang estado sang P6 Milyones nga pondo sa idalom sang Bayanihan Grant para sa mga nagkalamatay nga mga SUSPECT CASE kag positive case.
