ROXAS CITY -Ginklaro ni City Councilor Jericho Angel Celino nga “healthy debate” ang natabo sa ila ni City Councilor Cesar Yap Jr. sa ginpatigayon nga session sang Sangguniang Panlungsod.
Ini ang gin-athag ni City Councilor Celino sang mainterview sang Bombo Radyo.
Ginpahayag ni Celino nga wala sang mainit nga pagsinabtanay nga natabo sa ila ni City Councilor Cesar Yap Jr. natuhoy sa wala pagsuksuk sang facemask sa sulod sang session hall.
Suno kay Celino nga ginpahanumdum ini ni City Councilor Yap natuhoy sa pagsuksuk sang facemask sa sulod sang session hall kabangdanan nga ginkwestiyon sini sang pila ka mga butang si City Councilor Yap.
Gindugang pa sini nga normal lamang sa mga kaupdanan sini sa konseho nga magdebate sang mga butang nga ginatalakay sa session kag isa gid lamang ini ka “healthy debate”.
Samtang ginpanindugan ni Celino nga may yara ini sang facemask nga dala apang masami nga nabudlayan nga maghambal sa mga kaupdanan sini sa konseho rason nga ginkakas sini ang ginsuksuk nga facemask.
