City Councilor Magallanes, nagpahayag sang reaction sa gulpi nga pagsaka sang presyo sang kuryente

Nagpahayag sang reaction si City Councilor Reynaldo Magallanes sa gulpi nga pagsaka sang presyo sang kuryente sang Capiz Electric Cooperative ukon CAPELCO.

Suno kay Magallanes, natackle sa ila regular session sang Martes ang madamo nga reklamo halin sa mga member-kunsumidor sang CAPELCO.

Ginalauman nga magapatigayon sang committee meeting sa Biyernes upod ang CAPELCO kag mga city councilor agud masabat ang mga pamangkot sang mga kunsumidor.

Posible, suno sa konsehal, nga ang energy crisis nga ginaatubang sang Pilipinas isa sa mga kabangdanan sang pagsaka sang presyo sang kuryente.

Gina-awhag man niya ang publiko nga magtipid kag magpraktis sang disiplina sa paggamit sang kuryente samtang ginapangita ang sabat sa sini nga isyu.