City Councilor Midelo Ocampo gintalakay ang pigado nga serbisyo sang MRWD sa iya privileged speech

ROXAS CITY – Gintalakay ni City Councilor Midelo Ocampo sa iya nga priviledge speech amo ang pigado nga serbisyo sang Metro Roxas Water District (MRWD).

Suno kay Ocampo nga luyag niya mabatian ang sabat sang MRWD kapareho sang mga reklamo nga ginpalab-ot sang pila ka mga pumuluyo nga sa tion sang kaagahon wala nagatubod ang tubig.

Wala man mapunggan sang konsehal nga kwestiyonon kun bala makaya sang MRWD nga sebisyohan ang mga kunsomidor sa siyudad sang Roxas.

Samtang, ginkasubo man ni Ocampo ang pagtaliwan sang pila ka mga indibidwal bangud sa balatian nga COVID-19 rason nga nagpalab-ot ini sang pag-unong kag kasubo sa mga pamilya nga nabilin.