ROXAS CITY – Magapangusisa ang Chairman sang Committee on Ways and Means sang Sangguniang Panlungsod natuhoy sa tuman ka mahal nga pagpanukot sang arkabala sa mga puwesto kag pagtaas sang presyo sa mga balaklon sa Teodoro Arcenas Trade Center (TATC).
Ini ang ginpahayag ni City Councilor Albert Gregory Potato sa ginpatigayon nga session.
Suno kay Potato nga magapatigayon sila sang price monitoring sa mga balaklon agud mahibaluan ang rason sang pagtaas sang presyo sang mga baligya sa TATC.
Magluwas sa price monitoring hibaluon man sang komitiba ang nagakaigo nga pagsuluktan sa arkabala sa mga puwesto bangud nakalab-ot sa ila nga nagsaka ang pagsuloktan sini sa TATC.
Una diri nagpadala sang sulat si City Mayor Ronnie Dadivas sa Sangguniang Panlalawigan nga ginapatun-an ang posible pagpasaka sang arkabala sa TATC.
