ROXAS CITY – Plano karon ni City Health Officer head Dra. Lory Cahilog nga magbakal sang mga gamit kapareho na gid lamang sang thermal guns nga kinahangalan sa mga pahugpaan kag pantalan sa pagtsekyar sang mga pasahero nga naga-abot sa syudad sang Roxas kadungan sang nagalapta nga 2019 Novel Coronavirus.
Suno kay Cahilog nga isa ini sa mga kinahanglanon agud sa pag-abot pa lamang sang mga pasahero gilayon na nga ma-tsekyar ang status sang mga ini ilabi na ang ila ikaayong-lawas.
Magluwas sa thermal guns plano man ni ka Cahilog nga magbakal sang Personal Protective Equipment agud may yara na sang preventive measures ang syudad sa kun ano man nga sahi sang balatian ang posible nga mag-igo diri.// Kaupod man sang City Health sa pagmonitor ang mga Barangay Health Workers kag nagapalab-ot sang mga impormasyon sa mga pumuluyo sang mga barangay.// Samtang nagtukod sang Roxas Epidemiological Surveillance Unit (RESU) ang pamunuan sang City Health agud magmonitor sa 2019 Novel Coronavirus (nCoV) sa syudad sang Roxas.// Sa karon nagapanugyan si Cahilog nga indi magpati sa mga nagalapta sa Facebook ukon sa social media nga ari na syudad sang Roxas ang 2019 Novel Coronavirus bangud wala ini sang kamatuoran.// Nagapabilin nga 2019 nCoV free ang syudad sang Roxas bangud wala pa sang mga suspected cases nga napagkit diri.//VC
