ROXAS CITY – Ginpaathag sang City Local Government Coordinator ang mga criteria agud makapasar sa 2021 Seal of Good Local Governance (SGLG) for Barangays sa syudad sang Roxas nga programa sang Department of Interior and Local Government (DILG).
Sa pakig-angut sang Bombo Radyo kay Mr. Gino Salamanca, ginpahayag sini nga ang ginrekognisar nga mga kabarangayan ang kabahin sang pilot testing agud masukat ang ka-epektibo kag performance sang ang isa ka barangay.
Suno diri, kinahanglan mapasar sang barangay ang 3 ka Assessment Criteria nga ginpreparar sang ahensya amu ang masunod:
– Safety Peace and Order (Performance sang mga miyembro sang Peace and Order kalakip na ang 𝐁𝐚𝐫𝐚𝐧𝐠𝐚𝐲 𝐀𝐧𝐭𝐢-𝐃𝐫𝐮𝐠 𝐀𝐛𝐮𝐬𝐞 𝐂𝐨𝐮𝐧𝐜𝐢𝐥 – BADAC, Brgy. Tanod kag Lupong Tagapamayapa)
– Financial Administration and Sustainability – Pagpost sang Annual Budget and Expenditures sang Barangay kag iban pa nga sources sang ila kita kaangay sang mga certificates
– Disaster Preparedness sang Barangay – Ang kahandaan sang Barangay para sa mga kalamidad nga matabo
Maluwas sa Assessment Criteria may yara pa ini sang tatlo ka mga Essential Area:
– Social Protection and Sensitivity
– Business Friendliness and Competitiveness
– Environmental Management
Sa tatlo nga mga Essential Areas, apisar isa lamang ang mapasar sang Barangay posible ini nga marekognisar sang ahensya.
Suno kay Salamanca, may yara man ukon wala sang SGLG dapat mahibaluan sang Barangay ang ila trabaho kag magsunod sa mando nga ginapatuman sang natungdan nga ahensya.
Nagalaum ini nga sa masunod nga tanan na nga mga kabarangayan ang magpasakup sa amu nga programa.
