City Mayor Dadivas, ginpabugal ang pagtaas sang income sang TATC sa idalom sang iya administrasyon

ROXAS CITY – Ginpabugal ni Roxas City Mayor Ronnie Dadivas ang pagtaas sang income sang Teodoro Arcenas Trade Center (TATC) sa idalom sang iya administrasyon.

Suno kay Dadivas nga nagalab-ot sa P2.7 million ang kita sang TATC sa sulod lamang sang anum ka bulan kun ikumparar sang tuig 2018 nga may yara lamang sang P500,000.

Ini bangud sa ginpatuman nga road clearing operation sang alkalde kun sa diin ginpahamtang ang tanan nga mga negosyante sa sulod sang TATC.

Magluwas diri, hugot man nga ginpatuman ang pagsuloktan sa kada puwesto sang mga negosyante.