ROXAS CITY – Nagpapanaog si Roxas City Mayor Ronnie Dadivas sang isa ka executive order nga nagamandu sang mas masangkad pa nga border restrictions kag quarantine protocols sa siyudad sang Roxas.
Pinaagi sa EO NO. 14, series of 2020 igapatuman ang Enchanced Border Restrictions kag Quarantine Protocols ukon mas hugot nga pagsulundan sa pagpasulod sa mga borderlines sang Roxas City.
Ang nasambit nga pagsulundan ang epektibo alas 8 sa gab-i, Marso 20, Biyernes nga adlaw.
Bangud diri, limitado lamang ang mga indibidwal nga makaguwa kag sulod sa siyudad.
Mga returning residents sang Roxas City ukon ang mga residente sang siyudad gikan sa iban nga lugar ukon pungsod nga apektado sang COVID-19 sa baylo magpaidalom lamang sa quarantine protocal. Kalakip diri ang pagfill-up sang form nga isumiter sa barangay nga nagapatimaan nga ikaw ang isa ka Person Under Monitoring (PUM) kag nagapasugot nga magpaidalom sa 14-day self-quarantine.
Municipal and Elected Officials; mga empleyado sang gobyerno sa kabanwahanan, empleyado sang national agencies sa baylo magpakita sang valid ID kag medical clearance agud matumod nga indi ka sang PUM ukon Person Under Investigation (PUI) sa banwa nga imo ginhalinan.
Mga non-resident sa Roxas City ukon indi residente sang siyudad apang nagatrabaho diri sa baylo magpakita lamang sang valid ID kag medical clearance.
Mga medical personnels, health workers, kag humanitarian workers sa baylo magpakita lamang sang valid I.D. kag medical clearance.
Media Practioners sa baylo magpakita lamang sang valid I.D kag medical clearance.
Mga military kag uniformmed personnel
Negosyante nga nagadeliver sa syudad sang mga essential kag non-essential goods sa baylo magpakita lamang sang I.D. kag medical clearance
Medical Emergencies kasubong sang mga kinahanglan dal-on sa ospital
Mga senior citizens nga nagapacheck-up sa syudad sa baylo magpakita sang valid I.D. kag medical clearance.
Special Cases nga nagadepende sa alkalde sang siyudad kun pahanugutan niya ini nga makasulod.
