ROXAS CITY – Nagparekord sa Roxas City Police Station ang 61 anyos nga City Mayor’s Consultant matapos nga ginaalegar ginpahug nga ipakiha sang isa ka persona sa Lapu-Lapu Street, Barangay III, Roxas City.
Suno sa tagreklamo nga si Audie Dollete, 61 anyos sang Milibili Heights, Barangay Milibili, Roxas City nga samtang nagalibot siya bilang kabahin sang iya responsibilidad bilang City Mayor’s Consultant sang City Engineering, nakita sini nga may yara sang komprontasyon nga nagluntad sa isa nila sini ka foreman kag sa ginareklamo sini nga si Mandy Isiderio, sang Lapu-Lapu Street, Barangay III, Roxas City.
Ginaalegar sang tagreklamo nga ginhambalan sila ni Isiderio nga wala sang pulos ang ginaubra nga proyekto sang City Engineering kag didto gin-eksplikaran man ini ni Isiderio nga kun luyag nila sang klaripikasyon angut sa proyekto,mahimo sila nga makakadto sa opisina sang nasambit nga talatapan.
Apang sa baylo nga mag-ayuhay didto kag nagtuad sang mga malain nga tinaga si Isderio kag ginpahug pa sila nga ipakiha.
Bangud diri, ginpakamaayo na lamang sang tagreklamo nga magpalayo agud indi na magdaku ang isyu kag ginpakamaayo nga iparekord sa pulisya ang natabo.
