ROXAS CITY – Ginatutukan sa karon sang pamunuan sang City Veterinarians Office ang pagduging sang “Liver Fluke” ukon balatian sa atay sang mga kasapatan diri sa siyudad sang Roxas.
Suno kay Dr. Dante Corros, ang liver fluke amo ang balatian sang mga sapat partikular sang mga karabaw, baka, kanding ukon mga kasapatan nga masami nagakaon sang hilamon kag nagainom sang tubig sa sapa.
Ginpahayag ni Corros nga pananglitan makaangkon sang amo nga balatian ang sapat samtang buhi pa, kasubong nga ginauluran na ang ila atay.
Magluwas sa atay ginateniran man sang ulod ang internal organs sang sapat.
Matandaan nga may insedente na sadto nga nagduging ang Liver Fluke sa pila ka mga kabanwahanan sa probinsiya sang Capiz.
Suno pa sa opisyal nga pananglitan makakita sila sang mga sapat nga nagasuprer sang liver fluke, gilayon nila nga ginasunog ang kasudlan sini.
Samtang nagpanugyan naman si Corros sa publiko nga siguraduhon nga matinlo kag luwas kaunon ang mga karne nga ginabakal sa merkado.
