ROXAS CITY – Ginpasalig sang pamunuan sang City Veterinarian’s Office nga wala sang na-monitor nga mga meat products sa mga merkado sang syudad nga positibo sang African Swine Fever (ASF) ang talatapan.
Ginpahayag ni Dr. Roberto Dante Corros, City nga ba-se sa ila monitoring, hilway pa ang mga meat products sa TATC kag Burgos talipapa sa diin wala pa sila naka-kumpiskar sang mga meat products nga positibo sa ASF.
Apang aminado ini nga may nakasulod sa syudad sang Roxas nga pork meat products gikan sa France apang ginpahold ini sang quarantine office matapos nagpaguwa sang executive order si Governor Esteban Evan Contreras II nga total ban sa mga meat products nga gikan sa apektado nga mga lugar kag pungsod.
Indi man lipod sa ihibalo ni Dr. Corros ang natuhoy sa pagkakumpiskar sang mga pork siomai sa Iloilo market sa diin diri nag-agi sa probinsiya sang Capiz.
Apang wala sang dapat nga kabalak-an ang publiko, bangud wala naman nagdiskarga sang nasambit nga mga produkto sa probinsiya kundi nagdiretso ini sa Iloilo.
