Nagpaguwa sang pahayag si Palace Press Officer Claire Castro angot sa video nga nagalapta sa social media kun sa diin ginpahayag nga ginpalapitan sila sang isa ka grupo sang mga Pinoy samtang yara sa Vancouver, Canada.
Suno kay Castro, wala na sila nakapadayon sa pagkuha sang reels matapos nga ginsundan kag ginpakamalaut sila sang grupo.
Suno sa iya, nabatian nila ang mga singgitan nga naga-akusar sa ila nga mga kawatan kag nakabaton man siya sang personal nga insulto.
Gin-ako man ni Castro nga nakabatyag siya sang apprehensive sa natabo bangud duha lang sila sang iya partner kag wala sila nakahibalo kun ano ang posible nga matabo.
Dugang pa sini nga indi kinahanglan nga mangin bastos ukon agresibo kun nagapabutyag sang sentimyento kag panan-awan, ilabi na kon may yara sang indi paghangpanay angot sa pulitika ukon iban pa nga isyu.
