ROXAS CITY – Ginpabugal sang pamunuan sang 3rd Infantry Spearhead Division sang Philippine Army ang pagpahamtang sa abyan nga si Lt. Gen. Rey Leonardo Guerrero bilang bag-o nga AFP chief of staff.
Sa exclusive interview sang Bombo Radyo Roxas kay Major General Jon Aying, commander sang 3rd ID sang Philippine Army nga naba-se sa banwa sang Jamindan sa Capiz, nga malipayon sila tanan sa 3rd ID, bangud bisan paano nangin kabahin sila sang kadalag-an ni Guerrero nga anay commanding general sang nasambit nga kampo antes ginpahamtang bilang afp chief of staff ni President Rodrigo Duterte.
Nahibaluan nga magka-eskwela sanday Aying kag Guerrero sa PMA Class of 1984 kag nagkaupod sa counter intelligence unit sang PA, sa diin madamo nga madinalag-on nga operasyon ang nila nga gin-updan kag madamo nga medalya kag awards ang ila nga nakuha.
Ginlagragwa ni Major Gen. Aying si Guerrero nga maalam, ismarte kag well rounded officer.
Suno pa sa opisyal nga estudyante pa lamang sila sa PMA nagapanguna na sa klase ang bag-o nga afp chief nga palatandaan nga maalam ini kag dedikado sa pag-eskwela.
Samtang nagapati si Aying nga daku ang mabulig ni Guerrero sa armadong kusog sang pungsod para mapatuman ang pila ka mga programa.
