Ginpakigbahin sang aktres nga si Claudine Barretto sa iya social media angut sa iya bag-o lang nga pagka-ospital bangud sa depresyon, upod ang panawagan sa publiko nga indi magdali-dali sa paghukom sa kahimtangan sang iban.
Sa video nga iya gin-post sang Agosto 24, makita ini nga nagahakos sa iya doktor kag nagahigda sa katre sang ospital samtang ginahaplos siya sang iya anak nga si Noah.
Yes, this is what depression looks like. So please don’t judge. We all need more understanding and compassion,” siling ni claudine
Nagpabutyag man sang suporta ang pila ka mga personalidad kaangay nanday Vilma Santos, Vina Morales, kag Small Laude.
Madumduman nga una na nga gin-share sang aktres nga makapila ka beses siya nga nagboluntaryo para sa rehabilitation bangud sa post-traumatic stress disorder, kag indi bangud sa drug issues.
Ginpaambit man niya sang una ang iya mga inagihan sa depresyon kag sekswal nga pagpang-abuso.
Sa pihak sang iya gina-agyan, aktibo sa gihapon si Claudine sa pagbulig sa iban, kaangay sang damlag lang nga pagpanagtag sang pagkaon kag bugas sa mga biktima sang sunog sa Tondo, Manila.
