Naghinyo sang pangamuyo si Optimum Star Claudine Barretto para sa recovery sang iya 87-anyos nga nanay nga si Inday Barretto, nga yara karon sa ospital sa Bonifacio Global City kag nagapakigbato sa sakit.
Suno sa Instagram post ni Claudine, may sakit nga lupus ang iya nga iloy kag nagahinyo ini sa mga tagasuporta kag netizens nga ipangamuyo ang pag-ayo sini, bangud siya na lamang ang nabilin nga ginikanan nila nga mag-ulutod.
Ang lupus ang isa ka autoimmune disease kun sa diin ginaatake sang immune system ang kaugalingon nga mga healthy tissue sang lawas imbes nga protektahan ini gikan sa mga impeksyon.
Bangud sini, nag-angkon sang pagpalamaga kag damages sa nagkalain-lain nga bahin sang lawas, kalakip ang panit, kasu-kasuan, bato kag mga organo.
Base sa latest update ni Claudine, naka-confine ang ila nga iloy sa St. Luke’s Hospital sa BGC.
Nagbuhos naman sang pagkabalaka kag kind words para kay Claudine kag sa iya nga iloy, sa comment section sang iya nga post.
