ROXAS CITY – Ginsuguran na sang mga katapo sang kapulisan ang kampanya batuk sa nagakahinabo nga kriminalidad nga may kaangtanan sa “riding in tandem” sa Probinsiya.
Sa interview sang Bombo Radyo kay PCpt. Christian Mahometano, Chief of Police sang Panay Municipal Police Station, nga nag umpisa na ang ila ginhiwat nga “Clean Rider” campaign.
Tinutuyo sini nga programa nga kilalahon kag tsekyaron ang mga motorista sa ila dokumento kag pagsunod sa batas-trapiko.
Ini ginapatigayon sa isa ka proseso kun sa diin pagkatapos nga mapamatud-an nga kumpleto ka sa dokumento, pagakabitan ang imo motorsiklo sang libre nga “Clean Rider Sticker” nga may yara naman sang pila ka mga benepisyo.
Sa luyag magpasakop sini nga programa:
-Magpadulong sa Panay police station
-magdala sang Original Receipt/Certificate of Registration (OR/CR) sang motorsiklo
-Deed of Sale kun indi sa imo nakapangalan ang motorsiklo
-Government I.D.
-Driver’s license
Ini libre nga programa sang mga kapulisan nga gintukod sang Agosto tuig 2018 nga ginapatihan nangin madata ang riding in tandem suspects sa mga motorista.
Dugang pa ni Mahometano nga prayoridad nila ang mga taga banwa sang Panay.
Sa mga indi taga Panay, magpakig-angot lang sa ila mga Police Station.
