Daog ang Cleveland Cavaliers batoksa Toronto Raptors sa Game 7 sang ila first-round series sa NBA Playoffs, matapos nila ginpierdi ang Raptors sa score nga 114-102.
Ginpangunahan ni Jarrett Allen ang Cavaliers paagi sa iya mabaskog nga performance nga may 22 points kag 19 rebounds. Nagbulig man sa kadalag-an sang team sila Donovan Mitchell nga may 22 points kag James Harden nga nagdugang sang 18 points.
Bisan pa nga nag-una ang Raptors sa early nga bahin sang hampang, nakabalik ang Cavaliers kag ginbag-o ang dalagan sang hampang paagi sa mabaskog nga ikatatlo nga quarter, kun sa diin dako ang ila ginlampos sa points.
Sa pihak nga bahin, nanguna si Scottie Barnes nga may 24 points kag si RJ Barrett nga may 23 points para sa Raptors, apang wala ini nakasapat agud mapunggan ang pagdaog sang Cleveland.
Bangod sini nga kadalag-an, nakasulod ang Cavaliers sa Eastern Conference semifinals kag maga-atubang naman sa Detroit Pistons sa masunod nga round sang playoffs.
