Ginakabig ang climate change nga rason sang nabatyagan nga mga kalamidad sa probinsya sang Capiz.
Sa interview sang Bombo Radyo kay Wilmon Alinsangan,Development Management Officer I sang Capiz Provincial Environment and Natural Resources Office, iya ginpahayag nga ang mabaskog nga bagyo, pagbaha, linog kag gulpi nga pagtaas sang lebel sang tubig sa kadagatan ang resulta sang climate change.
Suno kay Alinsangan, ang mga tawo mismo ang nagaguba sang palibot bangud sang mga ulubrahon kasubong sang pagka-ingin,deforestation kag quarrying nga nagatuga sang lapnagon nga pagbaha.
Pahayag pa niya, kinahanglan nga may ara kita sang ihibalo sa kun paano natun mabuligan ang atun palibot bisan sa simple nga pamaagi.
Nahibaluan nga subong nga bulan sang Nobyembre, ginaselebrar ang Provincial Environment Consciousness Month kun sa diin nagadihon ang talatapan kaupod ang iban pa nga mga ahensya sang mga aktibidad nga magabulig pahibalo sa kadam-an kun paano amligan ang palibot.
Nagpanawagan man ang natungdan sa publiko nga magbululigay sa paghalong sa palibot bangud diri nakadepende ang pagkaon, tubig kag hangin nga atun kinahamhlanon agud nga mabuhi sa pang adlaw-adlaw.
Interviewed by: Bombo Francis Biñas via Zona Libre
