ROXAS CITY – Natigayon sang maayo ang close door meeting nga ginpatigayon sang Sangguniang Panlalawigan sang tinalikdan nga adlaw.
Ini ang ginpahayag ni Vice Governor James Mitang Magbanua sang mainterview sang Bombo Radyo.
Suno kay Magbanua nga nangin madinalag-on ang ginpatigayon nga close door meeting bangud halos tanan nga mga board members ang nag-attend magluwas lamang kay Board Member Karen Palomar.
Sa pihak sini, ginpamatian man ni Magbanua ang mga board members nga nagpabutyag sang ila concern ukon problema sa isa kag isa.
Ginpahayag pa ni Magbanua nga wala man sang nangin problema ang sinapol kun sa diin nangin matawhay man ang tanan nga mga board members.
Ginpahanumdom man sang bise gobernador nga tanan nga mga concern sa Sangguniang Panlalawigan ang mahimo man nga masolusyonan kag maistoryahan agud wala na sang problema kag para makabulig sa maayo nga pag-gobyerno.
