Magasugod na ang tatlo ka bulan nga ‘closed fishing season’ sa mga isda nga mackerel kag sardinas sa pila ka mga kadagatan nga sakop sang Pilipinas.
Sa naaminhan-nasidlangan sang Palawan, pagasuguran na nag implementasyon samtang sa Visayan Seas kag Zamboanga Peninsula, magasugod ang tatlo ka bulan nga pagdumili sa pagkuha sang mga nasambit nga isda sa Nobyembre 15, 2024.
Mahibaluan nga mga nasambit nga lugar, ang nagaserbi nga pangitlogan sang mga isa rason nga ginaprotektahan ini sang gobyerno bilang kabahin sang conservation effort sini.
Sa sulod sang tatlo ka bulan, ginadumilian ang pagpangdakop sang mga isda kag sin-o man ang madakpan nga magahimo sini may penalidad nga tubtob
P200,000 ukon pagkapreso sang indi magdugay anum ka bulan base sa Section 823 ng Republic Act No.4003 nga mas kilala bilang Fisheries Act.
Samtang, ginsiguro naman sang Department of Agriculture(DA) ang pagbastante sang isa sa nasambit nga bulan ukon closed fishing season, kalakip na diri ang pag-import sang pila ka metriko tonelada nga galungong bilang dugang nga supply sa mga local market.
