ROXAS CITY – Gin-aprubahan na ni Capiz governor Esteban Evan ‘Nonoy’ Contreras ang CNA Incentives para sa tanan nga Regular Plantilla Position sa gobyerno-probinsiyal.
Mahibaluan nga nagalab-ot sa kapin P25, 000 ang pagabatunon nga Collective Negotiation Agreement Incentives sa amo nga mga position.
Nasaad sa Resolution No. 01 series of 2019, mahimo makabaton ang isa ka regular nga empleyado sang nasambit nga kantidad kun siya ang naka-serbisyo na sang apat ka bulan ukon masobra pa sa gobyerno-probinsiyal tubtob Oktubre 31 kag nagapabilin gihapon sa serbisyo.
Nagakadapat man nga nahimo sini ang atleast 70 porsyento sang iya nga organization ukon performance indicators base sa iya nga certifications ukon accomplishment reports.
Ang nasambit nga resolusyon ang gin-aprubahan pinaagi sa mosyon ni Atty. Emilyn Depon nga gin-segundahan man ni Atty. Esteban Angeles Contreras.
