Ginpresentar na sang Prosecution team ang witness nga si Commission on Audit-Intelligence and Confidential Funds Audit Office (COA-ICFAO) state auditor Xylene Mae Del Campo sa impeachment trial ni Vice Pres. Sara Duterte.
Ini matapos nga ginpatawag sya sang korte agud maghatag sang iya testamento sa gina-alegar misuse ni Vice President Sara Duterte ukon indi maayo nga paggamit sang confidential funds sang Office of the Vice President kag sang Department of Education.
Sa pagsugod ni Del Ocampo, ginpahayag sini nga si Vice President Sara Duterte lang ang naga-isahanon nga Department of Education secretary nga may ara sang confidential funds sugod sang nagserbe sya sa COA sang 2014.
Madumduman nga base man sa nangin pahayag ni Commission on Audit (COA) auditor Roderick Wamil nga isa man sa nagtestigo sa Article I, si Duterte lang ang bise presidente nga may confidential funds sang nag-umpisa sya sa ahensya sa nasambit man nga tuig.
Apang, gin-athag ni Defense spokesperson Atty. Michael Poa nga sang 2014, may ara man sang confidential funds si former Vice President Jejomar Binay nga nagapamatuod nga indi lang si Duterte ang may ara sang nasambit nga budget.
