Ginrekomendar sang Commission on Audit (COA) ang mas istrikto nga mga tikang, lakip na ang pag-withhold sang sweldo kag pagpatuman sang mga penalidad, batok sa mga opisyal sang Department of Education (DepEd) nga napaslawan sa pag-liquidate sang cash advances (CAs) nga nagalab-ot sa Php 6.96 bilyones tubtob Disyembre 31, 2023.
Sa ila 2023 Annual Audit Report, gin-flagged sang COA ang kapaslawan sang DepEd sa istrikto nga pagsunod sa mga kasuguan kag regulasyon, nga nagresulta sa pagtipon sang mga unliquidated CAs.
Ang mga kakulangan naglakip sang paghatag sang mga CA nga wala sang nagakaigo nga awtoridad, pagbalhin sang mga pundo sa tunga sang mga accountable officers (AOs), kapaslawan sa nagakaigo nga pag-bond sa mga AOs, kag pagbayad sang mga gasto pareho sang Service Recognition Incentives (SRI) paagi sa mga CA sa baylo sang direkta nga pagbayad.
Base sa report, ang mga nagapanguna nga rehiyon nga may pinakamataas nga unliquidated balances amo ang mga masunod: Rehiyon VII (Central Visayas): 1.31 billion Rehiyon VIII (Eastern Visayas): 1.01 billion Rehiyon XII (SOCCSKSARGEN): 819.4 million Rehiyon IX (Zamboanga Peninsula): 537.1 million Rehiyon VI (Western Visayas): 513.9 million NCR (National Capital Region): 301.9 million.
Para masabat ini, ginrekomendar sang COA ang masunod: Untatan ang paghatag sang bag-o nga cash advances sa mga opisyales nga may pending balance. Mag-isyu sang demand letters sa mga aktibo nga empleyado agud mapilit ang liquidation. I-hold ang sweldo kag balayran sang mga delinquent AOs tubtob nga mahusay ang mga obligasyon.
Magpatuman sang mga penalidad sa idalom sang mga pagsulundan sang Civil Service Commission (CSC) para sa mga atraso. Kakason ang mga dormant nga mga account nga wala masolbar sa sobra isa ka dekada.
Ginsambit man sang report nga sa pila ka mga kaso, ang wala pa mabayran nga mga balanse nagalakip sang mga accountable officers nga nagretiro, nag-resign, nag-AWOL, ukon gin-transfer, nga labi nga nagpabudlay sang proseso sang pag-recover.
