MANILA, Philippines – Ginkabig ni Xylene Mae del Campo sang Commission on Audit – Intelligence and Confidential Funds Audit Office “COA-ICFAO”, nga responsable ukon liable si Vice President Sara Duterte kag tatlo ka indibidwal sa P375 million nga confidential funds sang Office of the Vice President.
COA-IFCAO’s del Campo: VP Duterte kag tatlo nga nalakip, ginakabig nga responsable ukon liable sa P375M nga confidential funds
Ginkilala ang talo ka indibidwal kanday Special Disbursing Officer “SDO” Gina Acosta, Chief Accountant sang OVP Julieta Villadelrey kag Col. Raymund Dante Lachica, Head sang Vice Presidential Security and Protection Group “VPSPG”.
Sa pagpadayon sang pagpangusisa ginusisa ni House private prosecution Atty. Lorna Kapunan kun ngaa ginakabig nga responsable ukon liable ang mga indibidwal nga suno sa dokumento.
Ginsabat naman ini ni del Campo nga ginbase ini sa ginpirmahan kag gin-aprubahan ni Duterte, samtang si Acosta kag Villadelrey ang may koneksyon sa pagproseso kag pagsertipikar sang mga cash advances.
Dugang pa sa impormasyon nakabaton man sang cash advances si Lachica para sa confidential expenses bisan pa nga indi siya ang designated Special Disbursing Officer “SDO”.
