Natalana nga magapatukod sang bag-o nga hulot klasehan ang Bureau of Jail Management and Penology (BJMP)-Roxas City District Jail agud mapalapad ang programa sa edukasyon para sa Persons Deprived of Liberty (PDLs)
Sa interview sang Bombo Radyo kay Jail Superintendent Julius Caesar Chavez, Jail Warden sang BJMP Roxas City Male Dormitory, iya ginpahayag nga indi na lamang senior high school ang ginatanyag sa sulod sang pasilidad kundi may yara man sang kolehiyo.
Suno kay Chavez, nagadamo na ang mga PDLs nga nagatapos sa ALS sa Senior High School, gani ginlunsar ang College Education Beyond Bars agud makapadayon sila sa pag-eskwela tubtob kolehiyo bisan yara sa sulod sang pasilidad.
Nagpasalamat man ang natungdan sa Roxas City Government sa pagpanguna ni Mayor Ronnie Dadivas bangud nag-alokar ini sang masobra P2 milyon nga pondo para sa pagtukod sang classroom kag pagpakay-o sang atop sang visiting area sang pasilidad.
Nahibaluan nga yara sa 432 ang PDL population sang BJMP Roxas City District Jail.
