Igapadayon na sang local nga gobyerno sang New Orleans ang sikat nga college football game kada una nga adlaw sang tuig ang Sugar Bowl.
Suno kay New Orleans Mayor LaToya Cantrell, nagdesisyon nga padayunon ang nasambit nga komprontasyon sa tunga sang Georgia kag Notre Dame nga pagahiwaton sa Caesars Superdome.
Na-delay sang isa ka adlaw ang nasambit nga hampang matapos ang pag-atake sang mga terorista nga nagpatay sang 14 ka tawo.
Ginbuksan man nila ang Bourbon Street, ang bantog nga French Quarter street.
Gindugangan man nila ang assigned police officers agud masiguro ang seguridad nga mahimo ipatuman sa nasambit nga hampang.
Pagakabigon nila ang nasambit nga hampang nga isa ka SuperBowl game nga pagahiwaton man sa amo nga lugar sa bulan sang Pebrero.
