Arestado ang isa ka second year college student sa Lipa, Batangas matapos nga magpakuno-kuno nga gin-kidnap kag magpangayo sang P300,000 nga ransom kabaylo sang iya kahilwayan.
Sa video nga nabatopn sa messaging app sang iya iloy, mga himata kag abyan, natabonan ang mga mata kag nagahilibion nga nagapakitluoy ang estudyante.
Sa una nga chat messages sa iya iloy, ginpahayag nga gin-kidnap ang 19 anyos nga lalaki kag may yara lang sang duha ka oras ang iya pamilya agud ihatag ang P300,000 nga ransom kabaylo sang kabuhi sang anak.
Nagpangayo sang bulig ang pamilya sa Lipa City Police Station.
Sa imbestigasyon sang pulis kaupod ang PNP-Anti Kidnapping Group, natukiban matapos ang exam nga nagsakay ang estudyante sa motorcycle taxi kag nagpadul-ong sa isa ka mall.
Halin didto, nagkadto naman siya sa Calamba City.
Sa kwarto sang isa ka hotel nakit-an sang mga pulis ang ampo nga estudyante.
Naglawig pa sang pila ka minute sang na-engganyo sang mga pulis ang estudyante nga buksan ang pwertahan sang kwarto.
Sa pagpamangkot sang mga pulis, nag-ako man ang estudyante.
Natukiban sang mga awtoridad nga na-adik sa online gambling ang estudyante kag ginalagas na siya sang iya mga ginpang-utangan sa mga online lending app.
Suno sa pulis, yara sa P50.000 ang ginapyerde sang estudyante sa online gambling kag P80,000 naman ang utang niya sa online lending app.
Naghingyo ang iloy sang estuydante nga indi na pagkasohan ang iya anak apang desidido ang Lipa Police nga kasohan ini.
