MANILA, Philippines – Nagaabot sa 101 ka aspirante ang nagfile sang Certificates of Candidacy (COC) para sa distrito nga representante sa masunod nga Bangsamoro parliamentary elections, suno sa Commission on Elections (Comelec).
Suno sa Comelec, ang filing sang COC ginpatigayon halin Mayo 5 tubtob Mayo 7, 2026 para sa una nga Bangsamoro parliamentary elections nga gina-estimar nga matigayon sa Septyembre 14, 2026, kasunod sang pila ka beses nga pag-postpone.
Sa nasambit nga eleksyon, may kabug-usan nga 32 ka pwesto para sa district representatives, 40 para sa party representatives, kag 8 para sa sectoral representatives.
Base sa datos sang Comelec, nag-file ang 17 ka aspirante sa Basilan (4 ka distrito), 33 sa Lanao del Sur (9 ka distrito), 11 sa Maguindanao del Norte (5 ka distrito), kag 16 sa Maguindanao del Sur (5 ka distrito).
Dugang pa, may 13 ka aspirante sa Tawi-Tawi (4 ka distrito), 11 sa Cotabato (3 ka distrito), kag 7 sa Special Geographic Area (SGA) nga may duha ka distrito.
Ginaasahan sang Comelec nga magahatag ini sang daku nga papel sa pagpatigayon sang una nga parliamentary elections sa BARMM nga nagatuyo magpalig-on sang representasyon kag demokratikong proseso sa rehiyon.
