Nagapanawagan ang Commission on Elections (Comelec) sa publiko nga indi na paghulaton ang deadline sang voter registration kag magparehistro na subong para makaboto sa palaabuton nga Barangay kag Sangguniang Kabataan Elections (BSKE) nga natalana sa Nobyembre 2, 2026, kon madayon ang eleksyon.
Sa interview sang Bombo Radyo kay Atty. Wil Arceño, Assistant Regional Director sang Comelec Region 6, iya ginpahayag nga kinahanglan na magparehistro ang mga first-time voters agud malikawan ang makatuga sang houl.
Suno kay Arceño, sa bulan sang Abril, may 538,633 ka regular voters kag 197,357 naman ang sa Sangguniang Kabataan (SK) voters sa bug-os nga probinsya sang Capiz.
Nahibaluan nga ang mga makaboto sa SK election yara sa edad nga 15 tubtob 17 anyos, samtang ang mga regular voters yara sa edad nga 18- anyos pataas.
