ROXAS CITY – Ginbag-o sang Commission on Elections (COMELEC) ang schedule sang election period kag filing sang certificate of candidacy (COC) para sa Barangay kag Sangguniang Kabataan (SK) Elections nga natalana sa Disyembre 5, 2022.
Sa interview sang Bombo Radyo kay Atty. Wil Arceño, Provincial Election Supervisor, ginpahayag sini nga ginpakamaayo sang ila ahensya nga magpaguwa sang bag-o nga resolusyon nga naga-revise sang ila calendar of activities para sa nasambit nga BSK election.
Nagikan sa Oktubre 6, 2022 nga election period, mangin Nobyembre 6, 2022 na ini magasugod.
Samtang, ang filing sang COC nga may orihinal nga petsa sa Oktubre 6, patigayunon na ini sa Oktubre 22, 2022.
Ini agud indi mabutang sa alang-alang ang ginahimo nga preparasyon sang ila ahensya, matapos nga ginahulat nila ang mangin desisyon sang gobyerno pinaagi sa isa ka layi nga maga-postpone sang nasambit nga eleksyon sa tuig 2023.
Apang, sa gihapon, nagalaum sila nga kuntani madayon ang BSK election subong nga tuig 2022.
