Ginpanumduman sang Commission on Elections (Comelec) ang mga nagpadalagan nga kandidato na magsumite sang ila nga Statement of Contributions and Expenditures (SOCE).
Suno kay COMELEC chairman George Garcia, nga tanan sang mga kandidato nagdaug ukon wala ang dapat nga magsumite sang SOCE tubtob Hunyo 11.
Ang indi magsumite sang SOCE sa gintalana nga panahon ang indi makapungko suno sa iya nga opisina.
Sa nasambit nga SOCE ang makita ang kabug-usan nga gastos sang kandidato sa pagpangampanya kasubong man ang tanan sang mga kontribusyon kag donasyon nga nabaton.
Tanan sang mga dokumento ang dapat nga ipa-notaryo kag ang pagpameke sini amo ang mahimo sila nga makasuhan sang perjury.
Samtang ang mga campaign fund nga wala nagastos ang mahimu ideklara kag idulog sa Bureau of Internal Revenue (BIR) para sa pagproseso sang buwis sini.
