Ginpatuman na sang Commission on Elections ukon COMELEC ang prohibition sa pag-release, pag-disburse kag paggamit sang public funds para sa social welfare kag housing-related projects halin sang Setyembre 18 tubtob Nobyembre 1, 2026, bilang kabahin sang preparasyon para sa Barangay kag Sangguniang Kabataan Elections ukon BSKE nga natalana sa Nobyembre 2, 2026.
Sa interview sang Bombo Radyo kay Atty. Wil Arceño, Assistant Regional Director sang COMELEC Region 6, iya ginpahayag nga yara na sa calendar sang activities sang poll body ang amo nga mga petsa kag wala pa sang lahi nga nagapostned sang election sa Nobyebre 2026.
Suno kay Arceño, may yara man sang total ban sa paghatag kag pagdistribute sang ayuda kaangay sang TUPAD, AKAP, AICS kag 4Ps halin Oktubre 23 tubtob Nobyembre 2.
Apang ginatugutan gihapon ang paghatag sang medical kag burial assistance sa mga kwalipikado nga benepisyaryo.
Dugang pa sang natungdan ang amo nga pagdumili ginpatuman agud malikawan ang indi husto nga paggamit sang pondo sang publiko kag ang posible pamulitika sa pagpatuman sang mga programa kag serbisyo sang gobyerno antes ang eleksyon.
