Luyag ma-neutralize ni Commission on Elections (Comelec) Chairman George Garcia ang mga private armed groups sa pungsod bag-o ang 2025 national and local elections.
Ini ang kasunod naman sa ginhinyo ni Interior Secretary Jonvic Remulla nga mag order sang timprano ang kapulisan sa Central Luzon agud i-dismantle ang mga armado nga grupo nga posible nga magtuga sang gamo sa kalinong sa rehiyon.
Ginmanduan naman ni Presidente Ferdinand “Bongbong” Marcos Jr. sa ahensya ang kapakanan kag kaluwasan sang mga kandidato kag publiko para sa palaabuton nga election.
Para kay Garcia, nagapabilin nga prayoridad sang Comelec ang mga botante kag gintuad pa sini nga dapat wala ginapilit ukon ginapahoy nga magboto ang mga tawo para sa isa ka partikular nga kandidato.
Samtang, naka set naman ang campaign period para sa senatorial candidate kag party-list groups sa Pebrero 11 sa masunod nga tuig.
Apang ang campaign period para sa mga kandidato sang House of Representatives kag parliamentary, provincial, city kag municipal elections sa Bangsamoro ang gintalana sa Marso 28 tubtob Mayo 10 sa masunod nga tuig.
