Gin-athag sang Commission on Elections (COMELEC) nga magakinahanglan sila sang dugang nga pondo kon madayon ang ginaduso nga pagpaiway sang Barangay and Sangguniang Kabataan Elections (BSKE) nga natalana sa Nobyembre 2.
Ini ang kabahin sang pahayag ni COMELEC Chairman George Erwin Garcia bangud may mga suhestiyon nga ipaiway anay ang eleksyon tuga sang epekto sang krisis sa Middle East.
Suno sa iya, bisan 85 porsyento na sila nga preparado, wala sila sang mahimo kon ang Kongreso ang magdesisyon nga ipaiway ang eleksyon.
Ginpahayag man sang COMELEC nga magapangayo sila liwat sang dugang nga pondo para sa mga galastusan pareho sang bag-o nga pagparehistro, dugang nga presinto, equipment, balota kag bayad sa mga manunudlo nga magaserbe sa eleksyon.
Nahibaluan nga magakinahanglan sang tubtob ₱3 bilyon nga pondo kon matabo ang reset ukon pagpaiway sang BSKE.
