Ginganyat ni Comelec Chairman George Erwin Garcia ang mga lokal nga gobyerno nga kusa na nga magpatuman sang lokal nga mga patakaran angut sa mga timprano nga nagapahamtang sang mga tarpaulin kag posters sang mga posible nga kandidato.
Gin-ako ni Garcia nga limitado ang ila nga hulag bangud sa ruling sang Korte Suprema.
Base sa kaso nga Penera versus Comelec, ginpahayag sang mataas nga hukuman nga posible lamang ikabig nga kandidato ang isa ka indibidwal kun ini ang nakapag-file sang kandidatura kag sulod na sa campaign period.
Ang anuman nga paglibot sang mga potential candidates ang indi pa madumilian sang komisyon sa anuman nga pamaagi.
Apela naman ni Garcia sa publiko, obserbaran ang mga politiko kag husgahan ang mga ini pinaagi sa pagsuporta ukon indi pagsuporta sa palaabuton nga eleksyon.
